【黑色素，Gotcha！靚技嫩白美肌精華！】
VERSO SUPER FACIAL SERUM（WITH RETINOL 8 complex: 0.1%）30ml
即係咁，老子知你班豬妹好提子我唔洗打乜spring美白針就成隻白豬王子咁白！What？你以為我輕鬆過巴斯光年就立地成白雪？少女，你唔止太年輕，仲好天真！為咗保持我肉豎林瘋嘅白淨形象，我用盡洪荒之力去抵抗自由基同黑色素！
美白呢家嘢真係需苦幹架！諗住為下段愛戀吸收陽光啫，點知就比紫外線射到烏卒卒！而且人到剩女之年，好易青春無影膠原蛋白無蹤架嘛！要揀啱一個適合自己嘅抗衰老美白產品，同遇上超夢夢嘅機會一樣，唔係話冇可能，但你先要面對大量公廁蝠交下學費先囉！唉，真係搵埋黃龍duck會計師都計唔到我掉咗幾多錢喺美白產品度呀！
自從發現咗VERSO SKINCARE支Super Eye Serum係咁犀利子之後，瘋瘋已經偷偷地入齊佢成個系列慢慢嗒真啲Retinol 8嘅威力！今日要講嘅4號仔SUPER FACIAL SERUM，肯肯定係我近年用過咁多美白精華中嘅飛佛！
不妨老柒同大家講，瘋瘋自懂美容這回事之後，最鬼怕就係好返見到效果嘅美白產品！Well，你冇睇錯，我亦冇打錯呀！事關用幾日就有嘢比你睇嘅美白精華乜乜乜，內裡好有可能隱藏咗不為人知嘅有害成分漂白皮膚！嗱，收一收你個「你大我呀.jpg」樣先！VERSO嘅專利配方Retinol 8話晒有外國勢力嘅科硏證明、醫學認證同臨床評價，製作過程超級嚴謹，確保所有產品安全有效，敏感肌用起上嚟都放心啲呀嘛！咁當然如果你皮膚同Retinol係水火不溶嘅，咪死咗條心當冇睇過呢篇介紹囉！
VERSO SUPER FACIAL SERUM質地係乳液狀，好易推開！通常我會留喺夜晚用，先用補濕精華打個靚底，再每邊面吱一粒黃豆份量，用陰力按摩吸收！頭一星期都冇乜特別大feel，對我嚟講冇敏感已經算合格！咁啱上星期我晚晚都忙於搬新居嘅事，日日剩係瞓得5粒鐘咋嗚哇！我已經熱氣到痔瘡都想出來say hi，但膚色竟然冇暗啞過，幼紋亦冇出嚟示威抗議！明明精神上攰到hi hi，外表卻瘋采依然！
不管你信不信佢嫩白肌膚的威力，反正我是信了！仲用埋洪荒之力拍咗條片話過你知老子到底有咩feel！人嚟，去片～
收復黑色素成分：
Retinol 8 with Retinyl Retinoate、Tetrahydrodlferuloymethane、Curcuma Long Root Extract、Palmltoyl、Tetrahydropiperine、Sodium Hyaluronate
